Pua bener aoba Angh aser mendenbuba na kahseter angu

Imphal, January 09 (Agencies): Nongkham Gamnom yim Anghba Otkhomang Mate, aser par Arogo mendenbuba, Tilpao Haokip, shirnok mejangjaba nisungtemi puer oa liasü, tena tanü N Satang yimdak asayaba moapu ka nung kahseter angu.
Iba dak sentakba ken o nung Moreh nung amenoker aliba lokti balalai, Imphal-Moreh lenmang asüngnep 8:00 ako nungi asüng ayaterm 12:00 ako tashi nokdangtsü.
Iba osang angashir külen, lokti balala nungi lenirtem aser Moreh police iba tesem bushia ao. Tasümangji moapu nung aliba truck asem nung angu.
Osang ajanga ashiba agi, Moreh SDPO-i Myanmar sorkar dang state police aser lokti balala nung lenirtem tasümang bener arutsü asoshi par litsüi aitsü temelaba asüngdang saka parnok nem temelaba magutsü.
Iba temalaba mongutetba ajanga police aser lokti tentettemi India nunger litsü nung ghonda asem agia lenmang talangba kati iba tesem ao.
Asür, Doukhothang Mate’er jabaso Otkhomang Mate aser Holkhojam Haokip’er jabaso, Tilpao Haokip na temang nung injang agi akahba zübotem angu.
Iba osang agutsü tashi nung, tasümangji Moreh metongi liasü.
Tenaji Jan. 6 aonung 7:00 ako shi nung mejangjaba nisungtemi Indo-Myanmar arrtsüleni puer ao.
Myanmar sorkari tasümang bener arutsü atema par litsü majangdaktsüba atema Moreh lisopurtemi temolung masüba olen ka metetdaktsü.