PUBG Mobile Championship Terrifying Nightmares-i kokogo

Mongputeni/October 24, 2018 (Agenceis): Tencent Games aser PUBG Corp. indang ‘PUBG MOBILE Campus Championship 2018’ India nung tembangogo. Iba asayamung ya ita ka asayaa liasü. Takoker team, Mumbai nungi “The Terrifying Nightmares” pur nem senpet sen 15,00,000 agütsüogo aser top 15 tongteter ajak nem Oppo F9 Pro smartphones kaka agüja liasü. Ita peyong asayaba eSports championship ya OPPO India-i sponsor asü aser iba asayamung nung yimti 30 kübok college 1000 dak tema nungi asayar 250,000 züngoksema liasü.
Anogo 12 qualifying round asayaba sülen Bengaluru nung temaba squade 20 chicken dinner tulutiba atema toktepa liasü. India nung PUBG MOBILE kanga nüngtugu küma aoba ajanga game asayatsü jangrartem atema parnok sempet sayutsü asoshi kishi tasen lapoka maongka agütsüogo.
Iba sentong ajanga PUBG MOBILE kodanga mongdangba sabang kati bener aru, koba India nung game asayatsü jangrartem atema eSports tajangshiba balaka liasü. Live commentary aser streaming den külemi jenjang temaba nung yangluba arena ka ajanga asayartem parnok dak aketba sempet tajungtiba amshia asayatsü ajungmesogo.
PUBG MOBILE fans tem anasabai bener arutsü asoshi Tencent Games aser PUBG MOBILE na senteper PUBG MOBILE themed store ka Church Street, Bengaluru nung lapoktsü. Iba ajanga fans temi tajangshiba tajung agitettsü.