Public-i PAC den yariteptsüla: NVCO

Dimapur, October 4 (TYO): PAC-i October 7, 2019 nungi tenzüker mapang telatet makai mokdangtsü ayongbaji nübortem ajungtsü atema bilema inyakba mapa ka lir aser Nagaland Voluntary Consumers’ Organisation (NVCO)-ia PAC pusemer, ta NVCO tir Kezhokhoto Savi-i metetdaktsüogo.
Dimapur nung dang masü saka Nagaland ajungalen ozüngi memelaba tax/sen mesarudaktsütsü atema public-i maparen nung yariteptsü ayongzüker, ta Savi-isa ashi.
Nagaland state sorkari district administration ajak dang sorkar aser Gauhati High Court Kohima Bench-i ozüng alema sen saruba noktanga aliba osang metetdaktsütsüla ta NVCO-isa metetdaktsü.