Public kanga junga tenzükang: Dr. Longrineken

Dimapur, February 24 (TYO): Treasury ketdangsertemi itasen atema dang masü saka public kanga junga tenzüktsü ayongzüker, ta Treasuries & Accounts & National Highway Advisor, Dr. Longrineken-i ashi.
February 24, 2020 nü Training Institute Purana Bazaar nung Junior Divisional Accountants of Treasuries & Accounts indang 12 buba Batch pur training tembangba sentong nung Advisor Longrineken-i iba tayongzüba agütsü.
“Junior Divisional Accountants-i küm ka training takok ngua agiba atema tenüngsang agütsür. Nenok kechi tesem nung mapa lemzükaka, nenok tajungtiba agi department tenzüktsü aser tajungba kümdaktsütsü merangang” ta paisa ashi.
Advisor Longrineken , Treasury office aser Training Institute, Dimapur tajungba kümdaktsütsü atema olen ka ashi.
Sentong nung Treasuries & Accounts Principal Director, R.N.Yanthan-ia o jembidang Treasury ketdangsertem dang public aser sorkar tsüngda apu tajung ka ama inyaktsü ayongzük.
Iba sentong magidang Advisor Longrineken den külemi Principal director aser Director, Treasurues and Accounts nungertemi Senior Treasury office Dimapur, Treasuries and Accounts guest house aser Senior Treasury and staff quarters yangluba tesemtem sema senzü.