Public Reception Committee-i pelar

Dimapur, October 24 (TYO): Dimapur airport nung Naga political talk, GOI atema Interlocutor, R. N. Ravi pela agizükba nung shilem agirtem aser Rhododendron Hall, Police Officer’s Mess, Chumoukedima nung sentong nung adenertem ajak dang kanga pelar, ta Public Reception Committee-i sangdong ka nung metetdaktsü.
Nagaland Tribes Council (NTC), Eastern Nagaland Peoples’ Organisation (ENPO), Nagaland GBs Federation, Central Nagaland Tribes Council (CNTC)aser tanga Civil Society teloktem ajak tenüng nung tongti Tribal Hoho tem, Tribal Union Chumukedima, Central Nagaland Tribes Students’ Union, Diphupar Naga Youth Organization, Village Councils, GBs aser tanga CSOs ajak dang kanga pelar, ta Reception Committee Member Secretary, Akhum Ayimg aser Convenor, Theja Therieh nati sangdong nung ashi.
Iba sentong tiptema agitsüsa District Administration aser Police-i yaritepba atema parnok danga kanga pelaba shisemer, ta tenatisa metetdaktsü.
Maneni, print aser electronic media (local, regional & national) aser News 18, NDTV, online portal Scroll.in amala cable network temi iba sentong nung shilem tajung agiba atema kanga pelar, ta Public Reception Committee-isa ashi.