Puducherry Chief minister atema V Narayanasamy tenangzükba agiogo

June 06, 2016 nü Puducherry nung aliba Gandhi Thidal nung V Narayanasamy Puducherry Chief Minister atema tenangzükba agiba sülen Lieutenant Governor, Kiran Bedi-i pa nem tenüngsang agütsüba noksa nung angur.

 Puducherry, June 06 (Agencies): Hombarnü taoba mapang Union Minister, V Narayanasamy Puducherry Chief Minister atema tenangzükba agiogo.

Narayanasamy den külemi Congress MLA pongua minister menden atema tenangzükba agia liasü.

Tanü nikongdang beach road nung aliba Gandhi Tidal nung Lt Governor, Kiran Bedi-i ketdangsüa minister trok nem tenangzükba agidaktsü.

UPA sorkar mapang nung Narayanasamy ya Prime Minister’s Office (PMO) nung Minister of State inyaka liasü. Mezüng UPA sorkar nunga pa MoS Parliamentary Affairs inyaka liasü. May 16 nü Assembly election nung pai metoktep, anungji pai by election ka nung tokteptsü.

Züngsem 30 aliba Territory Assembly nung Congress-DMK teloktep züngsem 17 lir.

Puducherry nung Chief Minister menden arishir tongti rongnung Puducherry Pradesh Congress Committee Tir, A Namassivayam aser taoba mapang chief minister V Vaithilingam na liasü.

Taoba mapang Welfare Minister, M Candassamy-ia iba menden aginüa liasü.

CM menden atema tetoktepba nung V Narayanasamy-i takok anguba sülen maneni aikati Cabinet menden arishia liasü.