Pughoboto nung alo metsüh lemtsü

Dimapur, Tsüklai 2 (TYO): Küm pong sülen Tsüklai 2, 2018 nü Pughoboto nung aliba SDAO office nung SMSP kübok aluyimertem SHGs nem alo metsüh angati lemtsüogo.
Iba sentong nung metsüh lemtsüdang SDAO, Pughoboto, Myanthung Patton-i tajangzük angurtem dang rongsenkettsüng ajangzüktsü atema metsühjangji ali tapet nung tsünütsü mepishia metetdaktsü.
Metsühjangji chemical amshia anepaluogo, aser temang atema majung, anungji metsühjangji machitsü atema pai tekümdangtsü olen ka metetaktsü.
Market nung metsühjangji seret 70/bag ka nung sen 4,000 lir (transportation charges densema), ta pai-sa metetdaktsü.
Paisa aluyimertem dang sorkar schemes balala takok ngua inyaktsü atema amalitepa inyaktsü ajungshia liasü.