Pughoboto nung sorkar tenzükertem training agi

Dimapur, Rongjui/September 17 (TYO): Administrative Training Institute, Nagaland aser District Administration, Pughoboto sub-division na senteper hopta tepeyong sorkar kübok tenzükertem training sentong ka ayongzüka agiogo. Iba training sentong nung Office Procedures, Service Matters, Accounts, File Management aser Nagaland Government Servant Conduct Rules 1968 onük nung ajemdaker tangazükba balala agütsüogo.
2015 küm November ita nungi tenzüka ATI-i achaayanga district level government employees tem nem training agüja arudar aser sub-division jenjang nung tang mezüngbuba Pughoboto nung iba sentong ayongzüka agiogo.
Training sentong nung shisalen agütsürji Khinyi Woch, SAO (retired), Andreas Lotha, Under Secretary, Justice & Law aser N. Moa Longkumer, Deputy Director (Trg.), ATI liasü. Shisalen agütsürtemisa sub-division kübok Dobashi tem atema 12/09/2019 nü sentong balaka atongzüka agitsüogo. September 13 nü tatembangbuba sentong agidang Tiayanger Jamir, SDO(C)-i training sentong nung shilem agirtem ajungshia, pei mapa nung bendanga agüja inyaktsü aser nüburtem tajungtiba nung tenzüktsü ashi. Paisa, training nung tangazükba balala ya benshitsü aser Nagaland Government Servant Conduct Rules kübok inyaksangshitsü ajungshi. Iba sentong ya Er. N. Moa Longkumer-i sentong nung shilem agirtem nem kuli kaket agütsür tembang, ta ketdangser sangdong ajanga metetdaktsü.