Pughoboto SDPDB senden amen

Dimapur, Aenjeti 18 (TYO): Aenjeti 11, 2018 nü ADC office, Pughoboto nung ita shia amenba Pughoboto Sub-Divisional Planning & Development Board (DPDB) senden SDPDB mendenbuba aser National Highways Minister, Y. Vikheho Swu leniba nung menogo, ta ketdangsertem osang ka ajanga metetdaktsü.
ADC & DEO, Pughoboto, Avelu Ruho-i tesüiba senden nung lemtetbatem reprangshi aser election Sector Magistrates aser nodal officials ajak dang parnok nem lemzüktsüba mapa junga asadangtsü aser pei mapa nendaka inyaktsü metetdakja liasü.
Minister, Vikheho Swu-i LADPF kübok pa lenisüba nung Pughoboto sub-division nung inyakba projects pongu metetdaktsü, iba den külemi Pughoboto ya ‘Best Constituency’ asütsü atema nüburtem atema maneni sentong aika asameyanga inyaktsü, ta metetdaktsü.
Senden nungsa taruba Republic Day sentong atema mapalem asoshi o lemtep aser department balala nung mapa balala lemzükja liasü.
House-isa züngsem tasen, SDPO, Vekhrolo Koza den tangartem agizüka liasü.