Pul-i par ministry ulushi; Mar 21 nungi Budget Session tenzüktsü

Itanagar, March 6 (Agencies) : Honibarnü Arunachal Pradesh chief minister Kalikho Pul-i deputy chief minister 2 aser cabinet minister 5 shimoka pa indang ministry ulushiogo.
Raj Bhavan nung aliba Darbar Hall nung Angh Jyoti Prashad Rajkhowa-i minister tem nem tenangzükba agidaktsü.
Iba sentong nung police aser civil ketdangsertem, BJP & PPA MLA tem aser Pul’er sorkar pusemba Independent züngsem 2 aden.
Sentong nungsa Arunachal nungi Rajya Sabha MP Mukut Mithi, taoba chief minister Gegong Apang aser PPA CWC chairman Kamen Ringu nungertem aden.
Ano, taruba Arunachal Pradesh Legislative Assembly Budget session ji March 21 nungi tenzüktsü, ta Angh, J P Rajkhowa-i tetuyuba agütsü.
Iba session ji March 26 nü tembangtsü aser iba mapang Chief Minister Kalikho Pul-i financial year 2016-17 atema budget benoktsü.
March 3 nü Pul aser pa pusemer MLA 29 PPA nung adenba sülen Congress-i Opposition ama shilem agitsü.
Pul-i aniba sorkar nem BJP MLA 11 aser Independent MLA 2-i tema nungi teyari agütsür.