Pulwama nung grenade ajanga police 18 yiru

Pulwama, August 24 (Agencies): Bodhbarnü Jammu & Kashmir, Pulwama nung grenade ana amshia police amakdang police 18 yiruogo.
Osang ka ajanga ashiba agi, telungpurtemi Pulwama jila nung aliba Degree College nung sepaitem duty nung lia grenade pokdaktsüba sülen injang kahloktsü, aser iba lendong nung police ketdangser asem densema yiru.
Grenade ji police aliba tesem nungi metre ishika dang pilar apok aser iba lendong nung Pulwama police station nungi superintendent of police ka, deputy superintendent ka aser station house officer ka dena yiru.
Iba tatalokba sülen iba tesemji sepaitemi longbang aser telungpur mita ao tenzükogo.