Pune, October 14 (Agencies): India’er tetsür weightlifter, Punam Yadav-i 2015 Commonwealth Youth, Junior & Senior weightlifting championships anogo 3 buba, tanü Bodbar nü tetsür senior aser junior shilem na indang gold medal 2 tashi agizükogo.
Temang touzük seret 63 taret Punam-i snatch shilem nung seret 90 taret aser clean & jerk shilem nung seret 110 taret ajungketba densema ajak agi seret 200 taret takok ngua ajungketa tetsür senior aser junior naprongla shilem nung mezüngbuba jenjang ngua gold medal 2-ji agizüka liasü.
Tebur shilem nunga Vishnukanth S, Ragala Venkat Rahul aser Vikas Thakur nungeri gold ka ka agizükba osang jangjaogo.
Vishnukanth-i ajak agi seret 227 taret ajungketa 85kg youth boys shilem nung gold agizük, Ragala-i seret 327 taret ajungketa 85kg junior men division shilem nung gold aser Vikas-i seret 335 taret ajungketa 85kg senior men division shilem nung gold agizüka liasü.
You must be logged in to post a comment Login