Pune aser FC Goa na 2-2 agi draw asü

Pune, November 08 (Agencies): Tang tasayadak Indian Super League (ISL) nung Deobarnü FC Pune City nungi bendanglen nungi arua asayar, Adrian Mutu-i match tatem tsütsü goal ka yokba ajanga Pune den 2-2 küma draw asü.
Romania nunger football asayar tejen, Mutu-i match tenzüker minute 90 buba nung goalji yoka liasü.
Tan draw asüba ajanga match toku asayaba nung FC Pune City-i point 14 nguteta par group nung tanabuba jenjangi tuogo.
Pune nungi Eugeneson Lyngdoh-i minute 32 buba nung goal ka yoka Pune takoklen liasü saka FC Goa teloki nungi minute 35 buba nung Rafael Coelho aser halftime sülen minute 9 buba nung Jonatan Lucca ka ta yokba sülen Goa 2-1 aküm.
Pune-i kanga kümdanga asayameso aser tatemtsü anasa goal ka yokba ajanga 2-2 agi draw asü.