Pune team nung Dhoni melen Smith captain shimogo; Starc IPL nung masayatsü

Kolkata, February 19 (Agencies) : Australia team nung captain Steve Smith taküm Indian Premier League (IPL) atema Rising Pune Supergiants team nung captain Mahendra Singh Dhoni melena captain asütsü shimogo, ta Deobarnü par teloki metetdaktsü.
Taoba mapang India captain Dhoni lenisüba kübok tang shibangtsür aliba Chennai team-i 2010 aser 2011 kümtem nung IPL marok bena liasü, ajisüaka paisa aniba Pune telokbo yaküm IPL asayamung nung tamajungba team tanabuba nung tembang.
“Ni MS Dhoni ji lenir ka ama kanga züngshir. Paji teti ama team asoshi kanga tongtibang nisung ka asütsü,” ta Pune telok kibur Sanjiv Goenka-i sangdong ka ajanga metetdaktsü.
2014 küm test asaya toktsüsang, Dhoni-i ODI captain nungia taoba hopta anenogo.
Pa captain asüba mapang ODI aser T20 world cup naprong nung linük asoshi takok bener arutsüogo.
Ano külen Australia nungi Smith den külemi asayar Mitchell Starc-i pabo taküm April 05 nungi tenzüka asayatsü aliba IPL asayamung nung masayatsü ta metetdaktsüogo.
“Asayamung aika asayaa aruba sülen tang ya ni shi temang aser shisatsü nung anisüngzüka ozü kibong den mapang intokner aser iba mapang ni tanaben tashi itshitsü,” ta Starc-i ashi.