Pungmang amai saka asangsang liasü

-L.Imlikokba Imsong, Tatar Ungma

Ao Senden tetuyuba nung All Ward Union Mokokchung Town (AWUMT) lenirtem aser Likapur yim asem nungi yimden yimsüsürtemi 3rd Jan’ 2017 anogo D.C Office kima MMC Election atema shinga Nomination File mesüdaktsütsü atema nübu medema aoba mapang, Police Forces jong teperi bener lenmang nokdanger liasü. Aser iba maparen asoshi jelia Government dang telemtetbaji peria agütsür liasü.
Anepdang 9:00 ako nungi nikongdang 3:30 tashi nüka aliba mapang tatalokbaji yamai:
1. Police Force-temi ajok den jong teperi bener nokdang.
2. Ambulance teperi renema yur liasü.
3. Mi lendong nung amshiba Fire Brigade asem tashi tzü teperi inoker renemer liasü.
Hai! Iba ya shir sentong ajanga liasü? India P.M. Modi asü? Nagaland Chief Minister T.R Zeliang asü? Deputy Commissioner asü? Mesüra shiba sentong? India P.M ji nütsüng crore aika madak lenir, State Chief Minister-ji nütsüng lakh aika madak lenir, Ao Senden lenirji nütsüng lakh dak tema lenir, Town ward-tem nungi Chaiman-ji nütsüng meyirijang aika madak lenir, yimtsüng nung yimten yimsüsürtemji nütsüng aika madak yimsüsür. Sura itemji ajok agi tepber mejungra tzü agi yinnür ambulance nung bener aotsü renemshir alibaji shir sentong? Yabo ‘PUNGMANG AMAI SAKA ASANGSANG LIASU’. Item lenirtemji nübur aser pei kin ajungtsü asoshi noktaka alirtem lir.
Hai, Ao senso tajungtem tarutsü asen Naga jenjang tajemba-tajemba ta aluba ya metettsü tim. India nung state paikati liaka asen Nagaland State yabo tanga state dang nungi jenjang khen agi balaka nung tenangzüktep yua aliba ya tongtibangsa, India Temzüng kübok Article 371 (A)-ji ajemrepa indoktsü mesüra ali nung rema yutsütsü India sorkar nükjidongji odang tanemi atatsübo nibo temulung kanga ronga shisadanger.
Kechiyong taoba asen lenirtemi India aser Naga naji khen agi balala ta asüba tebilemtsü aser teinyaktsü wadang tuluba ka yua aliba mapang, iba jenjangji samatsütsü India temzüng kübok Nagaland State-ji status balaka agi mesüzük, saka ajia mezüngmeshir. Asen jenjangji tajemdakdak peria lir. Tsüngremia maitsütsü südi.