Punjab anasa Naga nunger kaketshir 2 tsükset

Kurukshetra, August 9 (Agencies) : Mongulbar aonung Haryana kübok Shahbad Markanda jila anasa GT road (NH1) nung gari lendong ka nung Northeast nungi kaketshir ana dena nisung pezü asü aser nisung asem yiru.
Yasüng 10:00 ako meta kaketshirtem amenba Swift Dzire gariji pick-up van ka den tsüktep aser idangji Nagaland nungi Momii Chalai (22) aser Ohito Awomi (26), gari anir Surinder Singh aser pick-up van anir Ajit Singh nungertem asü, ta police-i metetdaktsü.
Iba lendong nung yirua alirtemji Virie, Kezhale Tou aser Theja Silic nungertem ta jangjaogo asr parnok ajak Lovely Professional University (LPU) nung kaketshirtem lir. Parnok ajak Shahbad anasa Adesh hospital nung anepaludar, ta police-i ashi.
“Kaketshirtemji Delhi nungi Jalandhar-i taxi ka nung aodang lendong ajuru” ta Shahbad police station in-charge inspector, Ramesh Kumar-i osangbener dang ashi.
Police-i tasür aser yirua aliba kinüngertem nem osang sangoktsüogo, ta paisa shisem.