Punjab CM Singh-i Lambi constituency nungi tokteptsü

Chandigarh, January 05 (Agencies): Punjab Chief Minister aser Akali Dal lenir, Parkash Singh Badal-i taruba Assembly elections nung Lambi constituency nungi tokteptsü, ta Brihostibarnü osang ka ajanga metetdaktsü.
Ano Badal’er jabaso Sukhbir Singh Badal-i Jalalabad Assembly menden nungi tokteptsü, ta kasa osang ajanga ashi.
Aam Admi Party (AAP)-i Parkash Badal den toktepdaktsütsü atema Jarnail Singh shimogo. Tang Jarnail Singh ya Delhi, Rajouri Garden constituency nungi MLA lir.
Prakash Singh Badal Guru Gobind Singh asoba anogomung sentong nung adentsü atema Bodhbarnü Patna-i arua liasü, aser pai election nung par party-i takok angutsü, ta shiogo. Punjab Legislative Assembly nung menden 117 lir.