Punjab nung heroin seret pezü apu

Chandigarh, August 21 (Agencies) : Border Security Force (BSF)-i Punjab Amritsar sector tsütsü aliba India aser Pakistan na arrtsülen heroin seret pezü apu, ta Deobarnü ketdangsertemi ashi.
Tanü Amritsar sector kübok Uddhar Dhariwal tesem nung apuba heroin ya international market nung sen crore 20 alang lir, ta Border Security Force Deputy Commandant N.P. Negi-i ashi.
Border Security Force sepaitemi arrtsülen langa ondaktsür amai angashi.
Iba heroin taleb ya Pakistan nunger heroin aser tanga temesepba mozü shibelenertemi  India tsütsü leni ondaktsü asütsü ta bilemer.
Taküm küm tenzüker külen nungi tanga tashi nung Border Security Force temi India aser Pakistan na arrtsülen herion seret 161 dak tema nungtetogo.