Punjab nung Salman Khan-i ‘partition scene’ tangoktsü

Mumbai, Monupii 04 (Agencies): Nüngtugu actor Salman Khan-i shilem agitsüba film ‘Bharat’ ya taruba Aami (June) nungi Punjab tesem nung ‘partition’ otsüren dak sendakba scene tem nung ajemdaker tangoktsü. Production source ka ajanga DNA dang ashiba agi, kanga dang mejungi atalokba putiotsü yanglushitsü atema director Ali Abbas Zafar-i Punjab tesem nung yimtsüng 45 tashi bushitetta lir.
“Iba film yanglutsüba tebilemba yabo, taoba mapang linük nung atalakoba otsü tongtibang ya kanga dang shitak ama yanglutsü lir. ‘Partition’ mapang atalokba ama ‘set’ nunga kasa jiluji ayitsü aser aji nüburtemi angutsü. Ali aser par team nati Punjab nung aliba yimtsüng tejangja 45 tashi bushitetogo aser item yimtsüng nungji Salman-i film atema tongtibang scene tem tangoktsü. Tang tashinung Ali aser par team-i ‘partition’ scene atema; Kila Raipur, Gujjarwal, Bilga aser Ghungrana yimtsüngtem bushitetogo. Bharat film atema Punjab schedule ya koba yimtsüng nungi tangok tenzüktsü, iba atema director Ali-i telemtetba agitsü lir,” ta osang ka ajanga metetdaktsü.
Iba film tulu, Bharat period-drama atema Salman Khan aser Priyanka Chopra na küm ter shi lir tanaben longjemer.
Korea nunger indang film, An Ode To My Father nung ajemdaker Bharat ya tanaben yanglutsü aser 2019 Eid benjongmung nung sayatsü sentong lir.