Punjab sorkari cancer agi shiranger shia nem sen lakh 1.50 agütsütsü

Chandigarh, March 13 (Agencies): Tang mezüng cancer tashitak anema Punjab sorkari state-i achaayangba hospital tem dang, hospital semdanger arishi küm 40 ser temapur tetsür ajak dang mama cancer temaitsü tendangtsü ajungshitsüla, ta tuyuogo.
“Iba nükjidong ya, tetsürtem rongnung mama cancer  temaitsütem tekaraba nung putettsü atema lir. Shilong tali mesüra temaitsü putetba tetsür ajak maneni mama cancer ali asü mali’ar tendangtsü,” ta tanü sorkar otongdar kati ashi.
“Iba atema temang tendangtsü mulungba shiranger tetsürtem ajak doctor-i reprangtsü. Iba den külemi cervix cancer temaitsütema reprangtsü,” ta paisa ashi.
Tetsür rongnung mama, cervix aser uterus cancer kanga bulur aser tebur rongnung esophagus, prostate aser oral cancer kanga bulur, ta pai ashi.
Punjab sorkari cancer tashitak anema raratsü asoshi Chief Minister’s Cancer Relief Fund nungi state sorkar hospital nung cancer agi shiranger shia nem senotsü teyari lakh 1.50 agütsütsü.