Punjab Warriors-i Dabang Mumbai madak 5-1 agi takok angu

Mumbai, February 12 (Agencies): Jaypee Punjab Warriors teloki Dabang Mumbai madak goal 5-1 agi takok anguba sülen tang tasayadak Hockey India League (HIL) asayamong nung temaba jenjang tongtetogo.
Mezüng quarter ana asayaba mapang Punjab-i goal 3-0 yok. Goal asemprong ya penalty corner agidang yok. Item goal tem Varun Kumar-i asaya tenzüker minute 2 nung, Mark Gleghorne-i minute 13 buba nung aser Christopher Ciriello-i minute 25 buba nung yoka liasü.
Iba sülen minute 40 buba nung Nithin Thimmiah-i field goal ka yokba ajanga goal 5-0 aküm.
Asaya tatemtsü anasa penalty corner ka agidang Jeremy Hayward-i Mumbai telok atema goal ka yokba ajanga 5-1 aküm.
Uttar Pradesh Wizards madak takok anguba sülen tanü asaya nung Punjab-i Dabang Mumbai den kanga ayimbanga asaya liasü.
Iba tamakok ajanga Mumbai telok 19 points nung ajak dang tetsünglangba jenjangi luogo. Parnok ano Ranchi Rays den February 14 nü Ranchi aser UP Wizards den February 16 nü Mumbai nung asayatsü lir.
Asaya tenzüli minute anabuba nung goal ka yokba ajanga Punjab teloki temulung ulua asaya aser iba takok tulu angu.