Punjabi kentener, Manpreet alima nungi pilaogo

Jan. 18, 2016: Punjabi kentener nüngtugu, Manpreet Akhtar tanü Hombarnü ‘tekolok nungi azü yimtokba’ tashitak ajanga Patiala nung aliba hospital ka nung süogo. La arishi küm 55 liasü.
Manpreet-i classical style nung ken aten aser Punjabi den Hindi film tem atema ken tena aruogo.
Lai atenba Punjabi ken nüngtugu rongnung ‘Beriye ni’, ‘Nikdi sui’ aser ‘Bas ek gera gidhe vich’ kentem lir.
Laisa Bollywood film ‘Kuch Kuch Hota Hai’ atema ‘Tujhe yaad na meri aye’ ken aten. Manpreet ya Punjabi kentener nüngtugu Dilshad Akhtar’er aianu lir.
Iba osang angashia Punjab Deputy Chief Minister, Sukhbir Singh Badal-i asüko osang lemsatepa, “Manpreet ya jenjang junga ngutetba kentener ka liasü, aser lai nendaka inyakba den mongin süa kentenba ajanga film industry nunga takok anguba den külemi akhüm angu,” ta ashi.
Sukhbir-isa, la akumli kenten mapang chart aika nunga takok nguogo aser nüburtemi la teti menungratsü, ta ashi.
“Lai la adianu asür, Dilshad Akhtar-i toktsüba senmang junga amangteta liasü, asür tanela teti anisüngzüktsü aser kinüngertemi iba tako mapang tizükteta tesünep angutsü ni sarasademtsür,” ta paisa ashi.