Punjabi University-i Maulana Abul Kalam Azad trophy 2014 takok marok nguogo

Punjabi University, Patiala-i Maulana Abul Kalam Azad (MAKA) 2014 asayamung takok marok nguogo. Iba takok marokji ‘National Sports’ anogo August 29, 2015 nü agütsütsü.

Punjabi University-i iba takok marok ya tibenbuba angur, item rongnungji pezübenbo atonga atonga angu. Iba sempet ya Association of Indian Universities Sports in India ajanga University-i anguba points parnok Univeristy tuku metetdaktsüogo. Item rongnungji Punjabi University tematiba jenjang nung 71,840 points angu,, Tanabuba jenjangji Guru Nanak Dev University, Amritsar-i 65,170 points angu aser tasembuba jenjangji Delhi University-i 31,770 points ngutet.

Maulana Abul Kalam Azad Trophy : Iba asayamung ya küm shia university/institution-tem rongnung asayartem repranger shimer. 1956-57 küm nungi tenzüka küm shia India nung mezüngbuba Education Minister shiba Abul Kalam Azad, 15 August 1947 – 2 February 1958 tashi inyaksayaksang nüngtem nung asayar.

Iba Takok Marok den sen Rs. 10 Lakh senpet agütsür aser ibaji asayamung tabu balala nung asmhitsü atema agütsür.