Purana bazaar-Chumu tsüngda NH nung shi ango ayokba nokdanger

Dimapur, Chiteni/July 07 (TYO): Tanü EAC Chumukedima, Thejavizo Nakro-i sangdong ka ajanga, civil administration Chumukedima, Purana bazaar nungi Chumukedima tashi National Highway nung village council chairman ajak aser Head GBs Aami/June 29, 2018 nü senden ka mena liasü, aser iba senden nung National Highway 29 (Purana bazaar nungi Chumukedima ) nung nashishi, nabong shi, ango, akshi aser anshi ama shi balala ayokba dokantem shibangtsü atema atelemtetba agi, kechiyong shi tapu balala ajakji building mesüra market nung kanga merükmejua aliba takdang/chamber nun gang ayoktsüla, ta metetdaktsü.
Iba dak sendakba nung pai gari lenmang tiplen nabongshi, nashishi, ango, akshi aser anshi ayokertem dang anogo 15 tsüngda iatemji belentsüla; senden nung bangzüng renemba sülen manidakra ozüng nung ajemdaker senchi achitsü, ta metetdaktsü.