Purana Bazar temeket nung keyi ka adoka lir

Dimapur, September 17 (TYO): September 17, 2019 anepdang Chumukedima circle kübok Purana Bazar yimtsüng nung keyi/morok keyi kati shirurutem tepsetba osang angazükogo, ta Extra Assistant Commissioner, Chumukedima-i metetdaktsü.
Iba dak sendakba nung Purana Bazar – B yimtsüng aser temeket nung alirtem kümdanga alitsü metetdaktsür. Iba tesem nung public-i kiset shirurutem kümdanga ayutsü metetdaktsür, ta EAC Thejavizo Nakhro, NCS-i ashi.
Iba shiruru bushia aputsü atema ajaki bangdakpurtem den yariteptsü mepishir, ta paisa shisem.