Purelogic-i Prana air motion mask introduce süogo

Luroi/August 18 (Agencies): Purelogic Labs-i India indang mezüngbuba ‘Prana’ ta nüngja agütsüba air motion mask ka introduce süogo. Iba mask ya motor ka ajanga tashi agütsür. Kilung aser yimdong nung asenok tango sashidang toxic aketba mopung nokdangtsü atema iba mask yanglutsü.
Company-i ashiba agi, Prana motion air mask nung anti-microbial aser anti-allergy quality densema part 30 tashi inoka yanglutsü. Adjust süa benshitettba foam head strap keta aliba ajanga tamshirtemi ayong ayongya benshitettsü aser mask nung tezüknem tamajung mali.
Mask nung keta aliba motor speed setting ji asem tashi lir, aser aji tamshirtemi jajadang, jogging aodang mesüra asemzüdang mopung tatakzük agitettsü atema control süa benshitettsü.
Iba motion mask nung medical silicon grade ka inoksema yanglutsü. Mask nung keta aliba filter jagi PM1 nungi PM 2.5 tashi auyi nokdangtsür. Layer pungu tashi inoka yangluba mask nung filter balala tapu asem inoka yanglutsü.
Purelogic-i ashiba agi, mopung inhale aser exhale asüba mapang mopung temerük aitdaktsütsü atema iba mask nung micro ventilator inoka yanglutsü koba aseno tango sahiba mapang lapokli aser aser shibangli ta asür.
Prana mask ya Classic White, Lively Pink aser Vibrant Gray sentsü nung sen 3490 agi angutsü.