Puri Rathyatra mapang nisung 2 ajemset

Lord Jagannath indang 138 buba Rath Yatra nung tamangertemi shilem agia Ahmedabad nung Jamal Gate süia aoba noksa nung angur. (Ahmedabad, July 18, 2015).

Puri, July 18 (Agencies): Honibar nü Puri nung tekülem kidang Jagannath tsüngrem Rath yatra benjung nung tetsür ana ajemsetogo aser nisung ter tashi yiruogo, ta osang ka ajanga ashi.
Grand Road nung Balabhadra tsüngrem talongtsü, “Taladhwaja” süiba mapang Balagandi square anasa tetsür ka ajemset aser Marichkot Chak anasa-a tetsür ka ajemsetogo, ta police-i ashi.
Yirua alirtemji yangi aliba district headquarters hospital-i anir ao aser yirua alir rongnung nisung anabo maneni Cuttack nung aliba SCB Medical College & Hospital nung yaritsü anir ogo, ta parnokisa ashi.
Loktiji ajungbena talungtsü alidak jagi aoba ajanga item lendong atalok, ta police-i ashi.