Purohit-i meyiper Gogoi aitsü

Guwahati, Jan 22 (Agencies): Ahom general Lachit Borphukan indang jembiba ken o nung osang mejungi prokshiba ajanga Assam governor Banwarilal Purohit-i mepelaba metetdaktsü.
Chhatrapati Shivaji, Lachit ya kanga tesangra aser tesashi general ka liasü, shibai Assam lima Mughal nunger ket nungi kümzüka ayu, saka pa indang kangabo mejembir, ta Governor-i ashi.
“Asenoki Lachit bilemtettsü, aser pai dak alang akhüm tetushi agütsütsü mapang tongogo. Shingaia ni mejaok saka Lachit Maidam-i oa pa nem akhüm tetushi agütsüogo. Iba ya ni masü saka Raj Bhavan-i tetushi agütsütsü aser linük ajunga nung pa nüngtugu kümdaktsütsü merangba mapa ka liasü. Saka iba mapa inyakba nung tesasatsüka, kechi nükjidong nung inyakar’ar memetet taoba chief minister Tarun Gogoi-i ni aitsü. Ni Assam Govenor ka ama kü nükjidong ajak agi neburtem ajungkettsü aser lokti ajak tali ajungtsü asoshi development tekaratiba nung bener arutsüji dang lir,” ta Governor-i ashi.
Lachit Borphukan-i Hindu tamangba Mughal nunger ket nungi 1671 küm Saraighat tongbang nung kümzüka ayu, ta ashiba olen nung ajemdaker Gogoi-i Purohit taoba mapang aija liasü.