Purtoshi Nokdir den asükhu lemsateper

Dimapur, Aami/June 25 (TYO): Ao Region kübok Molungyimsen yimtsüng nungi asür Bendang Nokdir’er jabaso asür Major (Posthumous) Purtoshi Nokdir (Army No. AB-11413 of Hevuto Battalion, Naga Army) mapang talangka shiranga lia June 23, 2019 nü asüba osang angazüka Government of the People’s Republic of Nagalim mang ayimer. Pa 1992 küm March ita 3 nü linük asoshi inyakba mapa nung aden.
Pai Naga nunger tanüla bener masü tashi masetshi Naga lima tenzükogo. Naga lima asoshi pei taküm bendanga agüja inyakba atema pa tenüng Naga nunger puti otsü nung tatem maka mangoka ayutsü aser monungraa bilemtettsü.
GPRN-i asür kinungertem den asükhu lemsateper aser pa tanüla teti tatem makadak tesunep nung anisüngzükdakjang ta sarasademtsür, ta MIP sangdong ka ajanga metetdaktsü.