Purva Barve mezüng international title angu

Mumbai, March 26 (Agencies): India nungi badminton asayar Purva Barve aser Varun Kapur nati 2017 Li Ning-Israel Open nung pei küm tasazük asaya nung takok nguogo.
Iba asayamung Israel Rishon LeZion Sports Hall nung asayaa liasü.
Dena prongla ya Pune nung amenloker aliba Nikhil Kanetkar Badminton Academy (NKBA) nungi lir.
Alima nung Ranked No. 70 nung aser tetsürtem under 19 nung jenjang 4buba nung alila Purva-i Russia tsür Lela Minadze minute 18 nung 21-6, 21-4 agi koka liasü.
Küm 16 tain Pune nung soa ainla asoshi iba ya international tetoktepba nung mezüngbuba junior title akokba asütsü.
“International title mezüngbuba akokba ya kü pungmang atalokba mesüka lir,” ta Purva-i ashi.
Kasa asayamung nung arishi küm 15 aser teküpok tebur kija asaya nung Varun-i takok angu Final asaya nung Varun-i 21-10, 21-2 agi England nunger asayar Toby Dillingham madak takok ngua liasü. 2016 küm December nung Varun-i Cyprus International Open-a koka liasü.