Putepshiba maparen ya ochi nung agizüktsüla : Kaito

Kohima, Nov.29 (TYO) : NPF senden nung ano tanü tashi 2015 küm NPF rongnung mangatettep adokba otsü manenteti jembiba ngua, tamalen NPF tir Dr. Shurhoizelie lenisüa anema apusortem rongnung MLA G Kaito Ayeh-i tanü senden nung tebang lapoka putepshidi süra ochimulung agi züngzünga putepa alitsüla, ta NPF CEC senden nung metetdaktsü.
Kaito-isa ashiba agi, tang NPF nungi Lok Sabha MP Neiphiu Rio aser MLA Imkong L. Imchen na agiena lir, anungji parnoki marunüra odang toktsüba tajungba saka parnoki NPF teloki arunüra parnok tang suspend süa alibaji agientsüla aser külemi putepshir Naga nunger tarutsü lanurtem asoshi inyak tenzüktsüla ta paisa metetdaktsü.