Putin-i Japan lenisang, Abe den Peru nung ajuruteptsü

Moscow, November 17 (Agencies): Russia Tir, Vladimir Putin-i Japan Ato Kilonser, Shinzo Abe den Peru linük nung tan hopta ajurutepa senden amentsü sentong renemba osang ka Kremlin-i tanü, Brehostibar nü metetdaktsüogo.
South America nung tentetba Peru linük nung Asia-Pacific Economic Cooperation summit amentsü renema lir aser iba senden tezülen Putin-i Abe den ajurutepa, par linük anati mapang talangka benshiba Pacific Islands den sentakba mangatettep ken o benoka jembitsü sentong renemer lir.
Russia-i mangatettep adokba asetkong dang Kuril Islands aser Japan-i kasa dang Northern Territories ta ajar.
“Ozü lenisang, Putin-i Philippines Tir, Rodrigo Duterte den senden ka amenba sülen Japan lenisang, Abe den senden amentsü sentong renema lir,” ta Putin’er otongdar, Yuri Ushakov-i osang jangjashitsü.