Putin-i Ukraine sorkar anemertem azüoktsüla: Merkel

Berlin, February 02 (Agencies): Russia Tir, Vladimir Putin-i Ukraine sorkar anemertem azüoktsü tajungshiba olen ka Germany Chancellor, Angela Merkel-i tanü, Mongolbar nü metetdaktsüogo.

“Tang Ukraine sorkar aser sorkar anemer na tsüngda agia aliba yimjung tezüngzüktep takok ngudaktsütsü aser par telok anati yimtenren tebentetbaren agidaktsütsü asoshi Kremlin-i Ukraine sorkar anemertem azüoktsüla,” ta Merkel-i Putin den telephone ajanga metetdaktsü.

Merkel-i Ukraine Tir, Petro Poroshenko den ajurutepa senden ka amenba sülen tanabuba anogo nung lai Putin den Ukraine sorkar anemertem azüoktsü onük ya benoker lir.

France aser Germany nati ayonga Ukriane sorkar aser Russia-i pusemba Ukraine sorkar anemertemi Belarus yimtiba, Minsk nung yimjung tezüngzüktep ka yaküm, 2015 küm February ita agia lir.