PV Sindhu aser Marin na final asayatsü

India Open Super Series 

New Delhi, April 1 (Agencies) : Rio Olympics nung silver medal angula India tsür badminton asayar PV Sindhu tan mezüngsüa India Open Super Series final tongteta lir. Lai Honibarnü semi-final asaya nung 21-18, 14-21, 21-14 agi World No 4 Sung Ji Hyun madak takok anguba ajanga iba jenjang tongtet.
Deobarnü Sindhu-i Rio Games final asaya nung lai makokla, Spain tsür Worl No 1 Carolina Marin dang taya küpzüktsü merangtsü. Marin-i semi-final asaya nung Japan tsür Akane Yamaguchi madak 21-16, 21-14 agi takok ngua final asaya atong.
Honibarnü Semi-final asaya mezüng game nung Sindhu 3-6 agi ishiba liasü, ajisüaka lai kanga meranga asayaba ajanga 9-7 akümba sülen ano maneni 11-9 tashi atu. Iba sülen 17-13 angu, ajisüaka world no 2, Korea tsürlai kanga junga asayatsü tenzüka point asem atonga anguba sülen 16-17 aküm. Saka Sindhu-i iba game minute 24 nung akok.
India tsür, World no 5, Sindhu-i tanabuba game-a meranga asaya ajisüaka lai iba game makokba ajanga tena game 1-1 aküm.
Sindhu-i tasembuba game nungbo kanga junga asaya aser lai point pezü atonga anguba ajanga 11-4 aküm. Sung-i 7-11 angu ajisüaka Sindhu-i maneni point ngua atuba ajanga iba asaya ghonda ka ser minute 16 nung lai akok.