PV Sindhu China Masters 3 buba round-i iogo

Changzhou, April 20 (Agencies): India’er tetsür  badminton asayar, PV Sindhu-i takok ngua tang tasayadak China Masters Grand Prix Gold badminton asayamong tetsür singles 3 buba round-i tanü, Bodbar nü iogo.
Külem sensopur, HS Prannoy-ia tanü takok ngua tebur singles 3 buba round-i aiba osang jangjaogo.
Tan asayamong nung 4 buba jenjang abener, Sindhu-i minute 34 nung points 21-16 21-12 ngua Japan tsür, Natsuki Nidaira 2 buba round nung tsükdaktsü.
Tan asayamong nung 7 buba nung alisang, Prannoy-ia points 21-13 21-11 agi China nunger Huang Yuxiang tsükdakja Malaysia nunger Darren Liew den 3 buba round asayatsü jenjang angu.
Tetsür doubles asayar, Jwala Gutta o Ashwini Ponnappa na aser tebur doubles asayar, Pranaav Jerry Chopra o Akshay Dewalkar na nungeria tanü takok ngua 2 buba round asayatsü jenjang ngua liasü.
Jwala o Ashwini nati points 21-16 21-18 ngua Malaysia tsür, Mei Kuan Chow o Meng Yean Lee na tsükdaktsü aser Pranaav o Akshay natia points 21-18 21-13 agi Singapore nunger Yong Kai Terry Hee o Kean Hean Loh na madak takok angu.
Jwala o Ashwini nati Chinese Taipei tsür, Hsieh Pei Chen o Wu Ti Jung na den 2 buba round asayatsü aser Pranaav o Akshay nati China nunger Wang Yilyu o Zhang Wen na den par taruba asaya asayatsü.
Ajisüaka, Manu Attri o B Sumeeth Reddy na tebur doubles aser K Srikanth tebur singles shilem nung tamakok ngua liasü.