PV Sindhu China Open final-i iogo

Fuzhou, November 19 (Agencies): India’er Olympic silver medallist, PV Sindhu-i lar semifinal asaya koka, tang tasayadak China Open badminton asayamong tetsür singles final asayatsü jenjang tanü, Honibar nü ajangzükogo.
Tan asayamong nung 7 buba jenjang abenla, Sindhu-i tanü ghonda 1 ser minute 24 nung points 11-21 23-21 21-19 ngua, Korea tsür, Sung Ji Hyun tsükdaktsü.
Hyderabad tsürla, Sindhu-i tan mezüngsüa Super Series Premier takok marok agizüktsü atema asaya ka dang akoktsü anünga lir.
Tan takok anguba ya Sindhu-i 9 ben tashi asayadang Hyun madak 6 benbuba takok angur lir.
Taoba mapang World Championship bronze medal anaben tashi agizükla, Sindhu-i lar final asaya tan asayamong nung 8 buba jenjang abener China tsür, Sun Yu den tan Deobar nü asayatsü lemzükogo.