PV Sindhu China Open semifinal-i iogo

Fuzhou, November 18 (Agencies): India’er Olympic silver medallist, PV Sindhu-i lar quarterfinal asaya nung takok ngua, tang tasayadak China Open Super Series Premier badminton asayamong tetsür singles semifinal asayatsü jenjang tanü, Hokolbar nü nguogo.
Tan asayamong nung 7 buba jenjang abenla, Sindhu-i tanü minute 17 nung points 22-20, 21-10 agi China tsür, He Bingjiao madak takok angu.
Arishi küm 21 tain Sindhu-i Japan tsür, Akane Yamaguchi aser Korea tsür, Sung Ji Hyun na rong nung takok angur den lar semifinal asayatsü.
Ajisüaka, külem sensopur, Ajay Jayaram-i par quarterfinal asaya nung tamakok ajurua, tan asayamong nung joko toktepa shilem magitettsüsa jenjang tamajung ajurua liasü.
Olympic aser All England champion, China nunger Chen Long-i minute 40 shi nung points 21-15, 24-14 ngua, Jayaram tsükdaktsü.