PV Sindhu Macau Open final-i iogo

Macau, November 28 (Agencies): India’er tetsür badminton asayar mongin, PV Sindhu-i semifinal asaya koka tang tasayadak Macau Open tetsür singles final asayatsü jenjang tanü Honibar nü ajangzükogo.
Defending champion, Sindhu-i tanü ghonda 1 ser minute 3 nung points 21-8 15-21 21-16 ngua tan asayamong nung 2 buba jenjang abener, Japan tsür, Akane Yamaguchi semifinal asaya nung tsükdaktsü.
Tetsür World No. 12, Sindhu-i China tsür, He Bingjiao aser Japan tsür Minatsu Mitani na tsüngda asayaba tanabuba semifinal asaya nung takok angur den final asayatsü.
Sindhu-i tan takok anguba ya World No.9, Yamaguchi-i taoba mapang, 2013 nung points 21-6 21-17 ngua Sindhu Japan Open nung tsükdaktsüba kepzüker lir.