PV Sindhu Macau Open quarterfinal-i iogo

Macau, November 26 (Agencies): India’er badminton asayar mongintem, PV Sindhu, B. Sai Praneeth aser H.S. Prannoy nungeri tanü, Brehostibar nüa takok ngua shilem agiba sülen tang tasayadak Macau Open Grand Prix Gold asayamong quarterfinal nung shilem agitsü jenjang nguogo.
Tetsür defending champion, Sindhu-i Indonesia tsür Lindaweni Fanetri madak takok ngua tetsür singles quarterfinal nung shilem agitsü jenjang angu.
Hyderabad tsürla, Sindhu-i tanü minute 46 nung points 21-17, 21-18 ngua Fanetri tsükdaktsü.
Arishi küm 20 tain Sindhu-i China tsür Chen Yufei den quarterfinal asayatsü lemzükogo.
Tebur singles shilem nung Sai-ia minute 31 nung points 21-15, 21-6 ngua Indonesia nunger Andre Kurniawan Tedjono madak takok ngua quarterfinal-i ai.
Tebur World No. 33 Sai-i Malaysia nunger Goh Soon Huat den quarterfinal nung ajuruteptsü.
Tanü tatembangba asaya nung Prannoy-ia ghonda 1 ser minute 5 nung points 12-21, 21-11, 21-19 ngua China nunger Qiao Bin prequarterfinal asaya nung tsükdaktsü.
Tan asayamong nung 7 buba jenjang abensang, Prannoy-i Indonesia nunger Ihsan Maulana Mustofa den quarterfinal asayatsü lemzüka lir.