PV Sindhu Macau Open semifinal-i iogo

Macau, November 27 (Agencies): Defending champion, India tsür PV Sindhu-i China tsür Chen Yufei madak quarterfinal asaya koka tang tasayadak Macau Open Grand Prix Gold asayamong tetsür singles shilem indang semifinal asayatsü jenjang tanü Hokolbar nü nguogo
Tetsür World No. 12, Sindhu-i tanü minute 54 nung points 21-13 18-21 21-14 ngua Yufei madak takok angu.
Hyderabad tsürla, Sindhu-i Japan tsür ana, Sayaka Sato aser Akane Yamaguchi na rong nung takok angur den semifinal asayatsü.
Sindhu-i tanü takok ngua India asoshi jenjang tajung bener arujaka, külem sensopur, B Sai Praneeth aser H S Prannoy nati tanü tamakok ngua tan asayamong nung joko shilem magitettsüsa jenjang tamajung ngua liasü.
Tan asayamong nung 15 buba jenjang abensang, Praneeth-i tanü ghonda 1 ser minute 10 shi kanga merang asaya saka pai points 16-21 23-21 13-21 dang anguba yong Malaysia nunger Goh Soon Huat-i Praneeth madak takok ngua tebur singles semifinal asayatsü jenjang angu.
Indonesia nunger Ihsan Maulana Mustofa-ia tanü minute 59 nung points 18-21 21-19 21-11 ngua Prannoy quarterfinal asaya nung tsükdaktsü.