PV Sindhu Malaysia Masters final tongogo

Penang, January 23 (Agencies): India tsür, PV Sindhu-i tanü, Honibar nüa takok ngua shilem agiba sülen tang tasayadak Malaysia Masters Grand Prix Gold badminton asayamong tetsür singles final asayatsü jenjang ajangzükogo.
Taoba mapang World Championship bronze medal 2 tashi agizükla, Sindhu-i tanü ghonda 1 ser minute 9 nung points 21-19, 12-21, 21-10 ngua Korea tsür, Ji Hyun Sung semifinal asaya nung tsükdaktsü.
Tetsür World No. 12, Sindhu-i tan final nung takok ngura, la 5 buba Grand Prix Gold takok marok agizüker akümtsü.
2013 nung ayongba Malaysia Masters takok marok agizükba sülen, Sindhu-i maneni Macau Open Grand Prix Gold asayamong takok marok 3 tashi 2013, 2014 aser 2015 küm atonga agizükba osang bushiteta lir.