PV Sindhu Malaysia Masters prequarterfinal tongogo

Penang, January 20 (Agencies): India’er badminton asayar mongin, PV Sindhu aser Kidambi Srikanth nati takok ngua tang tasayadak Malaysia Masters Grand Prix Gold prequarterfinal asayatsü jenjang tanü Bodbar nü nguogo.
Tan asayamong nung 3 buba jenjang abenla, Sindhu-i tanü minute 33 nung points 21-17 21-16 ngua Switzerland tsür, Sabrina Jaquet tetsür singles shilem indang mezüngbuba round nung tsüdaktsü.
Tan asayamong nung 3 buba jenjang abensang, Srikanth-ia mezüngbuba round nung points 21-17 21-11 ngua Malaysia nunger Wei Feng Chong tsükdaktsüba sülen maneni points 21-16 21-15 ngua Indonesia nunger Christie Jonatan madak takok ngua tatembangba asayar 16 rong nung densemogo.
10 buba jenjang nung alir, Ajay Jayaram-ia Japan nunger Takuma Ueda aser Czech Republic nunger Petr Koukal na tsüdaktsüba sülen tebur singles prequarterfinal-iogo.
India’er tetsür doubles asayar, Jwala Gutta o Ashwinin Ponnappa natia points 21-14 14-21 25-23 ngua Malaysia tsür, Mei Kuan Chow o Lee Men Yean na madak takok anguba sülen tetsür doubles shilem indang prequarterfinal asayatsü jenjang ngua lir.

You must be logged in to post a comment Login