PV Sindhu takok asoshi maneni Thailand Open nung asayatsü

Bangkok, Chiteni/July 29 (Agencies): Japan tsür Akane Yamaguchi-i asayamung ana tashi nung atonga tsükdakjaka PV Sindhu maneni asendenshir taküm asoshi mezüngbuba title akoktsü atema Thailand Open badminton tournament nung shilem agitsü renemshidar.
Taoba hopta ana ya Sindhu asoshi tezüdangtsüka liasü. Indonesia Open nung tanabuba jenjang nung tembangba sülen taoba hopta-a Japan Open quarterfinals nung tsükadok.
Asayamung anaprongla nung la Japan tsür Yamaguchi-i tsükdakja liasü.
Iba asayamung nung Sindhu seed pezübuba nung asütsü aser la mezüngbuba asaya China tsür Han Yue den asayatsü shiba lai Japan Open mezüngbuba round nung kokogo.
Asaya tem kokyonga tura la quarterfinals nung Thailand tsür Ratchanok Intanon den asayatsü.
India tsürtem rongnungi iba asayamung nung shilem agitsüpur rongnung Saina Nehwal densema lir, shiba tawa yiruba ajanga junga masayateti arudar.
Saina, Indonesia aser Japan Open naprongla nung medical tsütsü nungi tugutsüsa aküm, kechiyong pa taruba ita World Championships nung temang tajungba kümer alitsü asoshi rangloker inyakdar.
Tebur kija asaya nung Shubhankar Dey mezüngbuba round nung Japan nunger asayar Kento Momota den asayatsü aser B Sai Pranneeth Thailand nunger sayar Kantaphon Wangcharoen den asayatsü. Pa taoba hopta semifinal tonga asayaogo.
India nunger asayar ana ya mezüngbuba round ajangtetra tanabuba round nung tena asayatsü.
Kasa mapang nung fifth seed Kidambi Srikanth qualifier ka den asayatsü aser H S Prannoy mezüngbuba round nung Hong Kong nunger asayar Wong Wing Ki Vincent den asayatsü.
Tebur kija asaya nungsa Sameer Verma, Malaysia nunger asayar Lee Zii Jia den asayatsü aser Parupalli Kashyap, France nunger Brice Leverdez den asayatsü ataa lir.
Sourabh Verma aser Ajay Jayaram na qualifiers nung shilem agitsü.
Sourabh top seed Indonesia nunger asayar Shesar Hiren Rhustavito den qualifying round nung asayatsü aser Jayaram China nunger asayar Zhou Ze Qi den asayatsü.
Tebur tarep asaya nung India nunger asayar Satwiksairaj Rankireddy o Chirag Shetty na külem India nungersa Manu Attri aser B Sumeeth Reddy na den mezüngbuba round nung asayatsü.
Tetsür tarep asaya nung Ashwini Ponappa aser N Sikki Reddy na China tsür Li Wen Mei aser Zheng Yu den asayatsü.
Kasa asayamung tarep temeyoktep asaya nung Pranaav Jerry Chopra o N Sikki Reddy na Japan nunger asayar Kohei Gondo o Ayane Kurihara na den asayatsü aser Satwiksairaj Rankireddy o Ponnappa na Malaysia nunger Chan Peng Soon o Goh Liu Ying na den asayatsü.