PVC-i BRO dang mepelar

Kohima, August 18 (TYO) : Phesama nung anentsüh ajanga National Highway-2 kanga mejungi anenbanga liaka Border Roads Organisation (BRO)-i anogo aika iba lenmang lapoktsü atema mapa meinyaker ta Phesama Village Council (PVC)-i sangdong ka nung metetdaktsü.
Phesama yimertemi nija JCB tem bener arua lenmang lapoktsü meranga inyakaka, tanü tashi BRO ketdangser shingaia iba tesem arua mesemdang, ta PVA secretary Rovise Khale-i sangdong nung shia lir.
Yimertemi meranga inyakyonga lenmang sadema lapoktsü atema nüngdakba osettsüsettem bener arua meinyakra takok mangutsü. Anungji bangdak ketdangsertemi tekaratiba nung iba mapa nung yariteptsü mepishir, ta PVC sangdong nungsa shia lir.