PWC aser ESTI nati MoU ka sign süogo

Dimapur, May 31 (TYO): Nagaland aser Dimapur nunga Emporium Skill Training Institute (ESTI) den senteper skill training agütsüba mezüngbuba women’s college ji Pranabananda Womens College (PWC) kümogo.
Hokolbarnü PWC nung PWC aser ESTI nati Memorandum of Understanding (MoU) ka sign asü, koba ajanga teshimtet kaketshirtem nem skill development training agüja hospitality, aviation aser cruise line sectors nung mapa maongka agütsütsü.
ESTI-i college nung skill training centre ka lapoktsü aser yangji kaketshirtemi angati skill development training agitsü.
Iba training programme ya India sorkar, Pradhan Mantri Kaushal Vikas Yojna (PMKVY) indang flagship scheme ka lir.
Emporium Training & Consultancy Pvt Ltd, Operations Manager, Anirban Mukherjee-i, Nagaland nung lanurtem nem tashi agütsütsü atema partners anapronglai longjemer inyaktsü, ta metetdaktsü. Taküm ESTI-i Nagaland nung tanga nüngtugu college tem den-a tesendaktep yanglutsü merangtsü.
2013 küm nungi tenzüka iba institute-i Nagaland sorkar den inyaker aser tanü tashi nung kaketshir 7,500 dak tema nem training agütsüogo. Tamalen ESTI-i St. Joseph College, Jakhama den-a MoU ka sign süogo, ta paisa ashi.
PWC Principal, Uma Bhowmick-i, mapa angutsü atema joko formal education ya teperi masü, anungji kaketshirtem atema skill development ya kanga tongtibang kümogo, ta ashi.
Iba sentong nung Secretary, PWC , Swami Gurupadanandaji Maharaj, Joint Secretary, PWC , Swami Chinmayanandaji Maharaj -, College Principal Uma Bhowmick, Career Guidance & Counselling Cell, PWC, Sanjukta Bhattacharya, Centre Director, Emporium Skill Training Institute, Temjenkala Aier, IT Officer – ESTI, Merentoshi Aier aser tangartem aden.