‘Pyaar Ka Punchnama 2’ film ajanga sen crore 50 aaogo

October 29, 2015: Director, Luv Ranjan-i yangluba film ajanga yamai tajangzük tulu bener arutsü ta yimlar asü meyimla asütsü? ta nüburtemi bilemer.

Iba tajangzük osang ya film yanglusang aser film nung shilem agirtem ajak asoshi osang kanga tajung lir. Iba film yagi India nung sen crore 50 tashi aatetogo.

Trade analyst, Taran Adarsh-i, iba film yagi tajangzük kanga bener arutsüdar aser tang tashi nung linük telungtet nung sen crore 50 tashi aatettsüogo.

Pai, “#PyaarKaPunchnama2 film ajanga hopta ana tsüngda sen crore 50 dak tema aatetogo. Iba film yagi Hokolbar nü sen crore 2.40, Honibar nü sen crore 3.25, Deobar nü sen crore 3.05 aser Hombar nungi Bodhbar nü tashi nung sen crore 4.35 aateta liasü,” ta twitter ajanga lemsatep.

‘Pyaar Ka Punchnama 2’ ya 2011 küm yangluba ‘Pyaar Ka Punchnama’ tera yanglushiba mesüka lir. Iba film nung Kartik Aaryan, Nushrat Bharucha, Sonalli Sehgall, Ishita Raj, Omkar Kapoor, Sunny Singh aser Rumana Molla nungeri tongti shilem agia lir.