Pyongyang nung ‘Nuke’ tendangtsü renemer:Seoul

Seoul,  October 20 (Agencies): North Korea nung ano ‘Nuclear’ tendangtsü asoshi renemshidar ajisüaka tangsa tang tendangtsü osang tejangjabo ano kecha mali, ta Mongolbar nü South Korea intelligence agency ajanga metetdaktsü.

National Intelligence Service (NIS) indang parliamentary audit agitak adener, South Korea yimten lennir anati iba maparen bushisüngdangogo, ta Xinhua news agency ajanga ashi.

North Korea yimtiba, Pyongyang nung pezü buba nuclear tendangtsü sentong lir, ajisüaka tangsa tangbo ibaji metendangtsü, ta human & technical intelligence nungi spy agency-i bushitetba yimsüser ana jagi metetdaktsüogo.

North Korea nung 2006, 2009 aser 2013 kümtem nung nuclear tendanga liasü.