Qatar Open: Caroline Wozniacki 2 buba round-i iogo

Qatar, February 23 (Agencies): Tesüiba World No. 1, Caroline Wozniacki-i Ana Konjuh madak takok ngua tang tasayadak Qatar Open tennis asayamong tetsür singles tanabuba round asayatsü jenjang yashi, Hombar nü ajangzükogo.
World No. 22, Wozniacki-i yashi points 4-6, 6-3, 7-5 ngua Croatia tsür, Konjuh 1 buba round asaya nung tsükdaktsü.
Denmark tsürla, Wozniacki-i taoba asayamong 2 tashi nung 1 buba round nung atonga tamakok ajuruba sülen tan Konjuh madak takok ngua 1 buba round asaya akoker lir.
Wozniacki-i Australia tsür, Daria Gavrilova den tanabuba round nung ajuruteptsü.
Gavrilova-ia points 6-1, 6-1 ngua Japan tsür, Misaki Doi 1 buba round asaya nung tsükdakja 2 buba round asayatsü jenjang angu.
US Open champion, Roberta Vinci-ia points 6-2, 6-1 agi Ukraine tsür, Lesia Tsurenko tsükdakja 2 buba round-i ai aser külem Italy tsür, Sara Errani-ia points 1-6, 7-5, 6-3 ngua Bulgaria tsür, Tsvetana Pironkova madak 1 buba round asaya akokba osang jangjaogo.
Tesüiba US Open champion, Svetlana Kuznetsova-ia points 6-3, 6-3 ngua Germany tsür, Julia Goerges madak takok ngua 2 buba round-i iogo.
Australian Open champion, Germany tsür, Angelique Kerber-i 1 buba round nung bye ngua 2 buba round asayatsü renema lir.

You must be logged in to post a comment Login