QMHSS-i 8th Inter-school beat contest nung takok angu

8th Inter-school Beat contest takoker QMHSS Band den tetushi tesemdanger Lipokmar Tzudir noksa nung angur.

Rongjui (September) 14 : (Queen Mary Higher Secondary School (QMHSS)-i 8 buba Inter-School Beat contest 2018 tetoktepba nung mezüng jenjang angu aser Mayangnokcha Govt. Hr. Sec. School (MGHSS) pur tanabuba jenjang nung liasü. Iba sentong ya Students Welfare Society Alumni of Hill View Higher Secondary School Mokokchung-i Mokokchung town hall nung Sept 14 aonung ayongzük.
Takoker nem senpet sen 15,000/- den trophy aser certificate, aser tanabuba jenjang angur nem sen 10,000/- den certificate agütsüogo.
Nija sempet agizükertemji: Best Original – MGHSS, Best Vocalist- QMHSS, Best Guitarist – MGHSS, Best Bassist – QMHSS, Best Drummer – QMHSS aser Best Band Manager/Best Punctual Band – NCRS nungertem liasü.
Iba kenten tetoktepba nung tetendangertemji; Mokokchung District Musicians Association (MDMA) tir Arsashi Ozüküm, Mountain Beat Music School kibur Meyalemba aser Temulunger Telok Convener Impojang par asem liasü. Shilem agir band shiai parnoki mejemba ken ka den tangari atenba ken ka nung ajemdaker tendanga liasü.
Sentong nung tejaoker band – Clarion, Mad Hatter aser Class of Music aser town nung tang nüngtugu süa tetshiba tsüngsanger telok dance crew aser Pop Corn nungertemi shilem agiba ajanga tesentepertem tzüratemdakja liasü.
Iba sentong nung taoba NEZCC Director Lipokmar Tzudir tetushi tesemdanger ka ama arua sentong tali meraketdaktsü.