‘Quantico’ nung aika ataloktsü : Priyanka Chopra

New Delhi, January 3 (Agencies) : American TV series ‘Quantico’ maneni agitsü atema temelaba nguogo aser iba ya Priyanka Chopra aser ‘Quantico’ sapurtem atema kanga dang osang tajung ka lir.
DNA osang ka ajanga ashiba agi, PeeCee’er TV series ‘Quantico’ ji episode 22 dang sayutsüba masü saka oshi 44 jungnüa ka nung menüngoktsü.
“Taküm March ita nungi season 1 tenzüktsü. Mezüngbo onoki episode 13 dang yanglutsü sentong liasü saka ano talila yangluloktsü. Alima nung linük 100 shi ka nung iba sentong sayuogo aser ano Spanish, Italian, German, SE Asia densema oshi 44 nung menüngoktsü. Iba sentong kanga tulu akümba ajanga ABC-i season ka nung episode 22 mesüra talila sayutsü mulungogo” ta PeeCee ajanga metetdaktsü.
Priyanka-i iba sentong nung Alex Parrish ama shilem agir aser laia ashiba agi taküm March ita nungi otsü kanga tangatettsü tasak aser jangratemtsüka akümtsü.